Antikonseptivo....

Kiko esaki ta?

Antikonseptivo ta methodonan ku bo por usa pa preveni embaraso i malesanan veneriko. Den e artikulo aki tin deskripshon nan kòrtiku di diferente antikonseptivo. E konfiansa ku esaki nan ta dispone di dje sigur ta depende di e manera kon abo ta usa nan. Ta hopi importante pa usa antikonseptivo ku ta pas ku bo i ku bo situashon. Pildora antikonseptivo ta preveni solamente embaraso. Pa preveni malesa veneriko bo mester uza p.e kòndòm.

Pil

Esaki ta kontene hòrmonanan ku ta sòru pa niun ovulo no forma. Dor di esaki ta difisil pa e hende muher sali na estado. Mester bebe e pildoranan aki pa tres siman largu tras di otro anto tur dia sin falta. Despues di e tres siman nan aki bo mester stòp pa un siman. Pil ta un methodo ku bo por konfia si bo use manera mester ta. Pa kuminsa ku usa pil no ta nesesario pa hasi un chekeo mediko. Pil tin su desventaga, manera e lo por laga bo haña bo menstruashon prome ku tempu òf ora ku bono tin ku hañ'e ahinda. Pero segun ku bo ta use e kurpa mes lo kustumbra kune, pechunan un tiki grandi, mariamentu, subida di peso i mal humor. Bo preshon lo por subi un tiki i pesei ta rekomendabel pa bo kontrola esaki for di un prinsipio ku bo kuminsa use. Hende muhernan ku tin mas ku 35 aña i ta gusta huma lo tin mas chèns di hañ'e konfronta ku malesa di kurason. Si tin hende muher ku no kier stòp di huma ta miho opshon pa kambia pa un otro antikonseptivo.

Prikpil

Esaki ta un injekshon ku bo ta haña pa sea un òf tres luna. Den e pil aki meskos ku tur otro pil tambe tin hòrmona ku ta stroba e prokreashon di e ovulonan. Despues di e prome uso lo bo por haña bo menstruashon mas tantu ku regular. Pero por sosode ku lo bo por mira algun mancha sièrto momentu nan ora ku lo bo no spera.

Spiraal

Esaki ta manera un anker di plèstik ku ta ser hinka den e matris i lo keda sigur pa dos o tres aña largu. E spriraal aki ta evita ku un ovulo hechu por bai pasa drumi den e matris.

Tin diferente tipo di spiraal

1. Spiraal di koper. Esaki ta traha di drat di koper. E konfiansa ku lo bo por tin kune kompara ku e pil ta menos. E prome lunanan sigur despues ku bo kaba di pone, bo menstruashon por bini ku hopi mas dolor i e menstruashon lo por dura un tiki mas largu.

2. Spiraal di hòrmona. Esaki ta kita e asina yama Progesteron. Progesteron ta un stòf den e kurpa humano di e hende muher ku ta sòru pa e hende muhernan haña nan menstruashon. Bo menstruashon lo keda pa tempu kòrtiku.

kòndòm

Esaki ta un plèstik ruber ku e hende hòmber i hende muher por usa durante relashon seksual. E ruber aki ta fangu e spèrma ja asina e hende muher no sali na estado. Pa usa un kòndòm no ta difisil, pero mester use manera mester ta. Un kòndòm ta di menos konfiansa si nos kompare ku e pil. No ta rekomendabel pa usa produktonan vèt p.e, vaseline òf krema. Si bo ta desea di usa algu preferibel usa lubrikantenan traha abase di awa. Pasobra produkto nan vèt por laga e kòndòm kibra i lo bo haña bo ku resultado ku kisas bo no tabata desea. Kòndòm ta proteha solamente pa e hende muher no sali na estado pero no kontra malesa veneriko. E kòndòm pa hende muher ta manera un saku di plèstik ku dos renchi aden, ta hinka esaki den e vagina prome ku tene relashon seksual i durante relashon seksual e spèrma ta basha den e saku aki.

Pessarium

Prome ku relashon seksual ta hunta e pasta aki i esaki rondo di e boka di matris. E pasta aki ta mata e simia nan. E konfiasa di e metodo aki ta depende di e manera kon abo ta hunta esaki paden. E pessarium aki mester keda pa durante ocho ora largu despues di tene relashon seksual, ja asina e krema por tuma su tempu pa e mata tur e simianan, pero e krema aki no ta yuda evita malesanan veneriko.

Stèrilisa

Esaki ta e mihor manera hende hòmber òf hende muher por evita un embaraso no desea. E ta un operashon ku ta dura 10 minüt serka hende hòmber pero kontrali di esaki e hende muher si mester di un dia kompleto den klinika pa hasi esaki. Serka hende hòmber ta kita e organo ku ta hasi e produkshon di e webu nan afo den kual e simia nan ta keda forma. Pero tur kos ta keda pèrfekto meskos ku nòrmal i tambe ta keda funshona e mesun kos prome i durante relashon seksual. E hende muher tin mester di mas tantu tempu pa hasi un stèrilisashon pasobra esaki ta sosode di e siguiente manera. Nan ta kòrta i mara e kanal ku ta dirigi su mes na e eileiders kaminda di manera ku niun webu no por pasa bai paden. Pero unabes ku bo stèrilisa esaki ta pa semper di bo bida.

Evita relashon seksual

Durante e periodo aki ovulonan a wòrdu krea i nan ta baha, e periodo aki sa kai mas òf menos dos siman prome ku bo menstruashon. Pero un ovulo por baha tambe un poko mas trempan ku ta su tempu òf mas laat. Esei ta pone ku e manera aki no ta rekomendabel pa evita embaraso debi ku e ta menos konfiabel.

Evita di basha e spèrma

Si bo hala e penis afo prome ku e spèrma sali for di e penis, tampoko no ta konfiabel. Semper sa tin algu di spèrma ta basha prome ku e hende hòmber haña su orgasmo sin ku bo ta ripara.

K’i ora bo ta bai dòkter?

Tuma kontakto ku bo dòkter si denter di 24 ora bo no kier sali na estado si:

-Si bo a tene relashon sin usa protekshon.

-Si pa kualke fayo a sosode ounke ku bo a usa antikonseptivo.

Pa mas informashon bo por tuma kontakto ku bo dòkter di kas.