E bon di Vet...

E bon di Vet. Kua? Esnan ku ta redusi e risiko di enfermedatnan di kurason i Diabetis.

Bonchi i nechi ta forma parti di e dieta original duna na hende pa e Kreador. Investigashonan sientifiko ta konfirmando, ku ta sabi pa inklui e alimentonan riku den nutrientenan na nos alimentashon. Dr. Jiang di e Fakultat di Medisina di Harvard a diskubri ku e muhenan ku ta kome bonchi ku nechi 5 of mas bia pa siman, tin un riesgo di 27% menos risiko di sufri di Diabetis tipo 2, ku e esnan ku nunka, of kasi nunka ta kome bonchi of nechi. Tambe e la diskubri ku e muhenan ei despues di nan edat di 16 aña tabata tin un peso balansa, kompara ku muhenan riba 16 aña ku no ta kome bonchi i nechi regularmente.

E Dr. Hu di e Fakultat di Salu Publiko di Harvard a diskubri ku hendenan ku ta kome bonchi i nechi mas ku 5 bia pa siman, tabata tin mitar di e risiko di sufri di malesanan di e arterianan di kurason, kompara ku e muhenan ku nunka of kasi nunka ta kome bonchi i nechi.

Den un periodo di 70 aña, Dr. Albert di e Hospital di hende muhe Brigham na Boston a diskubri ku e hombernan ku ta kome bonchi i nechi 2 o mas bia pa siman tabata tin mitar di e risiko di sufri di morto repentino, kompara ku esnan ku nunka of masha poko bia ta kome nechi ku bonchi. Komementu di nechi ku bonchi ta riku na vitamina E, Magnesio, i vetnan Mono-insatura. Dokternan ta pensa ku tur e nutrientenan aki ta redusi e risiko di enfermedatnan di kurason i Diabetis i asta nan komplikashonan. E nechi ku e bonchi huntu ku e otro berduranan ta kontene vetnan saludabel. Sinembargo e industrianan di alimento a kohe e vet vegetal i a komberti’e den un produkto peligroso, yama:” Trans” vet esta: zeta vegetal parsialmente hidrogena. E Dr.Salmeron, di e Fakultat di Salu Publika di Harvard ta konstata ku 40% di Diabetis tipo 2 por wordu elimina si nos kambia e uso di zetanan parsialmente hidrogena, pa zetanan no hidrogena.

Enrealidat pa kada 2% di subida di e kantidat di kaloria sali for di Trans vetnan, e risiko di sufri di diabetis tipo 2 ta subi ku un 39%. Anto huntu ku esaki, e Dr. Moris di e instituto Rush pa un behes saludabel na Chicago a deskubri ku e konsumo di e kantidat signifikante di vetnan vegetal “parsialmente Hidrogenado“ ta aumenta e riesgo di sufri di e malesa di Alzheimer ku 2 bia i mei mas tantu. Pa resumi, evita tur kuminda prosesa ku ta kontene vet parsialmente hidrogena, trata di kome tur dia un man yen di nechinan, sin salu i tambe 2 kuchara di simia. Esnan mas riku almendra, kashu, walnuts, shosholi, simia di pampuna, asta di patia, tin un gran kantidat di mineralnan, nesesario pa un bon salu.