Kome Salu!

Dikon kome salu?

Kuminda nan salu ta bon pa bo kurpa i ta sòru pa e kurpa funshona bon, tambe e ta laga bo keda aktivo. Kome salu ta hopi importante pasobra e ta mantene bo peso salú, den balansa i ta hasi e risiko riba malesanan kroniko, sobre peso i diabetiko menos.

Kon bo ta kome salu?

Pa bo por kome salu e siguiente sugerensha nan aki ta konta:

Kome varia.

Ku kuminda nan varia bo kurpa ta haña tur e vitamina, mineral i proteina ku ta nesesario pa bo kurpa.

E base pa kumindanan varia pa adulto ta konsisti di:

• Pan: 4 -7 snechi.

• Batata, aros, aletria, bonchi òf couscous: 3 - 5 kuchara.

• Bèrdura (kuru): 4 kuchara.

• Lechi: 400 - 500 ml produktonan di ta kontene lechi ku tin menos vèt aden.

• Karni sin vèt, piska p.e. zalm, galiña, kalakuna, webu òf otro produktonan di grano manera tempe, tahoe, òf produkto nan di soya: 100-120 gr.

• Halvarina, margarina, zeta òf otro supstansha ku ta usa pa kushina kune 20-35 gr

• Bebe: 1,5 liter (8 te ku 12 glas di awa, inklui lechi).

No kome dimas.

Pa un peso salu ta importante pa bo no kome hopi i hasi hopi moveshon korporal. Kome tres kuminda pa dia i kuater biaha pa dia algu entre medio. E entre medionan aki mester ta kontene menos kaloria ta; buskuchi, wafel di aros, un man di pòpkòrn, pida kròpsla, tomati, kòmkòmber, sèldu merikano, awa (mineral) i wòrtel. Kòfi i té sin lechi i suku, refreskonan light ku ta kontene menos kaloria. Evita di kome òf bebe supstanshanan ku ta kontene hopi kaloria manera, kuki, bolo, chukulati, chips, snèks, refresko, djus i alkohòl. Usa esakinan ne montante ku ta nesesario solamente si mester, p.e. un chukulati, un pida ontbijtkoek, spekulas òf un glas di alkohòl.