Kiko Ta e Solushon pa Obesidat?

Sierto diëtanan ku ta konsentrá riba eliminá tur kuminda ku tin karbohidrato (por ehèmpel, pan, pasta òf batata) i kome mas proteina (karni) por hiba na bahamentu di peso. Sin embargo a largu plaso esei por tin efektonan sekundario negativo. Diëtanan di tiki karbohidrato, spesialmente si tene nan sin supervishon médiko, por ta peligroso. [Nan] ta diseñá pa kousa un pèrdida rápido di peso dor di promové un konsentrashon haltu i indeseá di elementonan keton (un produkto sekundario di e kurpa ora e ta kima vèt).” Si bo tin pensá di tene un diëta di tiki karbohidrato, hasi sigur di konsultá ku un dòkter promé.

Si bo meta ta pa baha di peso, no desesperá. Dr. Walter C. Willet, “Mantené peso bou di kontròl no ta imposibel, ni e no ta nifiká pasa hamber ni un diëta laf i ripititivo. Ku esfuerso konsiente i kreatividat, mayoria hende por tin éksito den mantené nan peso bou di kontròl pa tempu largu siguiendo un dieta dushi i rasonabel i hasiendo ehersisio kasi tur dia. Un bida mas largu i mas salú definitivamente ta bale la pena.”

Kon Importante Ehersisio Ta?

Fuera di no huma, ehersisio ta e mihó kos ku bo por hasi pa bira salú òf keda salú i pa prevení malesa króniko. Ku ki frekuensia un hende mester hasi ehersisio? Kiko ta e benefisionan di esfuerso físiko?

Segun e konseho di algun eksperto, hasi ehersisio tur dia, maske ta pa solamente 30 minüt, por tin gran benefisio. Pero nan a asta sugerí ku hasi ehersisio tres biaha pa siman por yuda un persona evitá problemanan grave den futuro. Ehersisio ta kima kaloria, i e pregunta prinsipal ku un hende ku ta purba baha di peso mester hasi ta: Mi ta kima tur dia mas kaloria di loke mi ta ingerí? Si bo ta hasi nèt kontrario, i ta ingerí mas kaloria di loke bo ta kima, e ora ei bo peso lo subi sigur. Pues, kana òf kore baiskel en bes di kore den outo. Subi trapi en bes di usa left. Hasi ehersisio! Kima kaloria!

Pa hopi hende, kanamentu ta un ekselente alternativa kompará ku otro tipo di aktividat físiko pasobra e no ta rekerí ningun ekipo spesial. Bo por hasié na kualke momentu i kualke lugá, i por lo general e ta basta safe. Klaro ku ta referí na kana duru, no djis kana keiru. E ta rekomendá 30 minüt di aktividat físiko tur dia si ta posibel.

Operashon Ta e Mihó Solushon?

Den un esfuerso pa baha di peso i prevení ku nan ta subi di peso den futuro, algun pashènt ekstremadamente gordo a sigui e konseho di spesialistanan riba tereno di obesidat ku ta rekomendá vários tipo di operashon. Pa ken e operashonan aki lo por ta un solushon? Bo dòkter lo por konsiderá operashon si bo body mass index ta riba 40, lokual ta indiká ku bo ta ekstremadamente obeso. Operashon pa redusí obesidat por lo general ta rekomendabel solamente pa personanan entre 18 pa 65 aña ku tin un body mass index riba 40 i kende nan obesidat ta kreando un riesgo médiko serio.

Kua ta algun di e operashonnan aki? Wèl, tin operashon pa redusí e tripa delegá, i operashon pa kose stoma òf pa redusí e tamaño di stoma. Pa redusí e tamaño di stoma dòkternan ta nit e parti ariba di e stoma, lagando un saku chikí ku ta karga solamente un 15 gram di kuminda. Kaba nan ta kòrta e tripa delegá i peg’é na e saku aki. Di e manera aki ta pasa gran parti di e stoma forbei i tambe e promé parti di e tripa delegá.

Sugerensianan pa Kome Salú

Kos Dushi Produktonan zut konsentrá òf prosesá

(masha poko; limitá nan na 75 kaloria pa dia)

Vèt; Zeta di oleifi, nechi, zeta di canola, awakati

(3 - 5 porshon diario; un porshon ta 1 telep di zeta òf 2 kuchara di nechi)

Proteina i Produktonan di Lechi Bonchi, piská, karni sin vèt, webu, produktonan di lechi ku tiki vèt, keshi (3 -7 porshon diario; un porshon ta 90 gram di karni òf piská kushiná)

Karbohidrato; Spesialmente grano integral—pasta, pan, aros, sereal

(4 - 8 porshon diario; un porshon ta un snechi di pan)

Fruta i Bèrdura Un variedat amplio

(no tin límite di porshon diario; un mínimo di 3 di kada un)