Stòp di huma...

Dikon huma?

Pa humado di sigaria humamentu ta pertenese na nan bida diario. Bo ta huma por ehèmpel si bo ta bebe kòfi, despues ku bo kaba di kome òf ora ku ta trata di stres i tenshon.

Kon bin?

Nikotina ta un elemento ku ta drenta den seis sekònde den bo sistema, esei ta duna bo un bista di kon lihe e ta traha. Bo kurpa ta bin kustumbra ku un kantidat di e stòf di nikotina den bo sanger. Den tur esei lo bo adapta lihe na dje i e lo bira parti di bo bida i kustumbernan diario. Tin sièrto parti di dia ku bo ta sinti ku bo kurpa ta eksigi pa bo huma. Ta pesei bo ta keda haña e gana di huma. Adikshon ta e motibu mas importante di kual ta pone ku un hende por sigui huma.

Ventaga pa stòp di huma

Naturalmente bo mes ta konsiente ku humamentu no ta salú. Stòp di huma ta bon pa bo salú. Ta ora ku bo stòp lo bo tuma nota lihe di e siguiente ventaganan ku esaki ta ofrese:

• Bo kondishon ta bai dilanti.

• Bo pulmonan tin mas airu i ta mas fasil pa hala rosea.

• Bo ta sinti mas fresku i aktivo.

• Bo kueru i kabei ta lusi mas.

• Bo por purba i hole mas mihor.

• Bo stem ta zona mas mihor.

• E tosamentu ku bo tabatin abase di humamentu tambe ta kita.

• Bo ta bira menos fèrkout.

• Bo ta spar sèn.

Tin hopi hende ku ta sinti nan orguyoso di nan mes ora ku nan stòp di huma. Nan ta haña ku nan ta un bon ehèmpel pa nan junan i otro nan. Muchanan ku ta biba den kas ku no tin hende ta huma tin menos posibilidat ku kehonan di fèrkout, inflamashon den orea i tosamentu.

Kiko bo mes por hasi?

Stòp di huma ta algu un tiki difisil. Ta pesei ta hopi importante pa bo prepara pe. Pensa pa bo mes kiko ta e ventaga nan pa stòp di huma. Mi tin e gana di stòp enrealidat? Pensa tambe ta kiko ta e partinan difisil pa stòp di huma, ja bo por kuminsa pensa algun solushon pa e situashonan difisil ku lo por presenta. Si ta e kaso ku bo logra stòp di huma, bo por ta konsiente ku bo tin mayoria di e situashon difisilnan tras di lomba. Esaki ta hasi ku lo bo por kontra otro sorpresa ku lo presenta durante e proseso aki, lo bo tin dominio propio riba algun di nan. Esnan ku no tin hende ta huma rondo di nan tin menos posibilidat ku keho nan di fèrkout, inflamashon den orea i tosamentu.

Judansa pa stòp di huma

Si bo ta huma mas ku dies sigaria pa dia, e mihor alternativa ta pa bo stòp hasiendo uso di metodonan ku lo juda bo. Tin otro metodonan ku bo por usa ku ta kontene menos nikotina. Ta posibel biba un bida diario sin mester huma, e ora ei bo kurpa nunka lo no sinti efekto òf eksigi e stòf di nikotina. E metodo ku ta kontrahe nikotina ta optenibel na tur botika. Hendenan ku ja a stòp di huma pa un tempu kaba i ku te ahinda ta haña e sensashon pa huma, por usa remedi pa baha e nesesidat aki. Pa usa e remedi aki bo tin mester un resèpt di bo dòkter.

Ki ora bo ta bai dòkter?

Si bo ta dispuesto pa stòp di huma lo ta bon pa bo papia ku bo dòkter. Bo dòkter lo yuda bo i duna bo konseho na kon bo por stòp di huma i alabes duna bo diferente sugerensianan ku lo ta importante.