Vitamina A & B Importante Pa Un Kurpa Saludabel!

Vitamina i mineral ta partinan masha chiki den kuminda, ku ta hopi nesesario pa nos kurpa. Tur vitamina tin un balor nutritivo. Por lo general nos kurpa mes no por produsi vitamina ni mineral. Esaki nan mayormente ta wordu saka for di nos dieta diario. Vitamina i mineral ta soru pa nos kurpa por funshona bon. Pues nos por kompronde ku: NOS KURPA MESTER DI DIFERENTE VITAMINA I MINERALAN NA UN KANTIDAT BALANSA. Esaki ta pa mantene nos kurpa salu i pa proteha nos kontra di malesa. Vitamina i mineral ta wordu parti den 2 grupo: 1 Vitamina ku ta disolve den awa manera : Vitamina C 2 Vitamina ku ta disolve den vet manera : Vitamina A

Vitamina A

Vitamina A ta nesesario pa un kueru i bista saludabel, i ta fortalese e sistema inmunologiko. Tambe e ta un antioxidante ku ta proteha e selnan di nos kurpa di daño. E dosis rekomenda ta 700 microgram pa dia pa hende homber i 600 microgram pa hende muhe. Vitamina A ta wordu retene dor di bo kurpa, dus si bo tuma dimas e por akumula te na nivelnan peligroso i kausa daño na higra. Pa e motibo aki ta bon pa bo tene kuenta ku tur kuminda i/of suplemento ku bo por ta hañando vitamina A for di dje. Vitamina A bo por hañe di suplemento di Multi-vitamina, Cod Liver Oil i suplemento antioxidante. Tambe por ehempel dor di kome higra. Tene kuenta pa bo no surpasa e kantidat rekomenda.

Funshon di Vitamina A: ta mantene tur tehido di e kurpa i kueru salu. Ta bon pa kabei, wesu, djente i kresementu salu. Ta bon pa bista i resistensha kontra malesa. Fuente di Vitamina A: webu, piska, keshi, margarina, yoghurt, wortel, frutanan oraño i batata dushi.

Defisensia di Vitamina A: por kousa ku resistensha ta baha, kueru ta seka, malformashon di djente i problema ku kresementu Vitamina B Vitamina B ta konsisti di un grupo di vitamina ku ta inklui B1, B2, B3, B6 i B12. Nan ta deskarga energia for di kuminda, traha bloedcellen i tene e sistema nervioso saludabel. Nan ta disolve den awa i no ta wordu retene den bo kurpa. Kiermen ku kualkier kantidat dimas ku wordu tuma di e vitaminanan aki ta wordu saka for di bo kurpa via bo urina. Nifikando ku si bo tumanan komo parti di un multivitamina no ta dañino. Acido fólico, otro miembro di e grupo di vitamina B i ku ta vital pa hende muhe na estado of esnan planeando pa sali na estado komo ku e ta redusi e risiko di defektonan nervioso, manera spina bifida (defekto di lomba) den e baby. Tambe tin evidensia ku e por redusi malesa di kurason. E rekomendashon pa ku Acido folico ta 200 microgram. Pa esnan planeando di sali na estado e rekomendashon ta 400 microgram durante e prome 3 luna di embaraso. Kualkier kantidat eksesivo ta wordo saka via di urina. Funshon di Vitamina B1 (konosi komo thiamina): Ta mantene kurason bon, nervionan i selebre den bon kondishon, tambe ta yuda kima carbohidrato.

Fuente di Vitamina B1: pan bruin, papa integral, bonchi, funchi, guiambo, pinda, higra, galina i karni kora

Defisensia di Vitamina B1: por kousa beri beri, falta di apetit i ku bo ta kansa lihe.