5 Yerba ku ta juda redusi inflamashon

Inflamashon por wordu kousa pa diferente faktornan. Den area sientifiko inflamashon ta un reakshon kimiko ku ta sosode den e kurpa ora tin daño hasi na e selnan, tambe ora e kurpa sinti ku tin un “intruso” (ku ta trese iritashon den e kurpa).

Kua ta e sintomanan di inflamashon?

E reakshon di inflamshon ta nesesario i ta proteha e kurpa den termino kortiku. Inflamashon agudo por laga ku e siguiente sintomanan: dolo, kambia di kolo di kueru (kora), inmobilisashon, hicha y kayente di kurpa. Esakinan ta sosode pa motibu ku e kantidat di tantu globulonan kora i blanku, lipoproteina, vocht i otro tissuenan ta hansha bai aglomera ne area ku daño ne kurpa a sosode, den un intento pa drecha/kura e daño hasi i limpia of saka e partikulanan stranhero ku bo kurpa no ta rekonose i desea.

Yerba

E kandidat di yerba ku por redusi inflamashon ta asina tantu ku ta difisil menshona tur. E lista aki ta di solamente 5 yerba ku hopi hende konose i gusta husa den kombati inflamashon:

1. Turmeric:

Turmeric ta un yerba ku un kolo oranjo/hel bibu ku ta kontene komponentenan jama curcumin. Curcumin ta traha pa proteha e higra for di selulanan dañino dor di aktua komo un antioxidante I proteha selnan for daño nan radikal. E ta baha tambe e nivel di histamina den e kurpa kual ta juda redusi inflamashon.

2. Ginger:

Ginger ta kontene 4 ingrediente ku ta hiba na su poderoso trabou inflamatorio i poder di kita dolo. Gingerols, paradols, shogaols i zingerone tur ta traha huntu pa redusi dolo ku ta provoka pa por ehempel inflamashon.

4. Basil:

Basil ta un tremendo yerba pa juda bringa inflamashon. Eugenol ta e komponente den basil kual ta duna e yerba aki un smaak i holo uniko tambe e tin e propiedatnan pa redusi inflamashon.

6. Oregano:

Oregano ta kontene polyphenols i tambe bioflavanoids, kual tur dos komponente ku ta yuda bringa produkshon nan malu i dañino den nos kurpa. Menos kantidat di e produkshonan dañino aki tin den bo kurpa I selnan, menos inflamashon lo presenta en general.

7. Konoflo:

Konoflo ta kontene varios komponente di sulphur, kual tin propiedat nan ku ta redusi inflamashon. E komponentenan aki tambe ta konosi pa bringa kanser, redusi e risiko di ataka di kurason i keda ku propiedat nan kontra mikrobio den bo kurpa.